قامت الفنانة دينا الشربينى، بالتحدث عن علاقاتها العاطفية التى مرت بها فى حياتها، كما أكدت على أنها لم تشعر بالرضا فى الوقت الحالى، وكشفت خلال اللقاء عن أهم الصفات التى يجب أن تتوافر فى فتى أحلامها فى الوقت الحالى.
وصرحت الفنانة، أثناء استضافتها ببرنامج “يلا نحكى”، والتى تقوم بتقديمة الاعلامية “جومانا بو عيد”، وقالت:” أنا محبتش كتير، وساعة ما بحب بحب بجد، وعادى ممكن أوى أحب من أول نظرة، ومش ممكن أحب شخص يكون دمه تقيل وضرورى جداً إنوا يكون لذيذ.. حقيقى بحب الرجالة اللى دمهم خفيف وتقال”.
كما تحدثت الفنانة عن انفصالها العاطفى خلال الفترة الماضية، وعلقت قائلة:”لو فى حد بتحبيه بجد مش ممكن يتنسى بسهولة، وده علشان بيبقى فى عشرة وحاجات حلوة كتير، ولكن الواحدة منا لازم تبقى عارفة إن فى حاجة وتعرف إن الحاجة دى ممكن تخلص، ولو خلصت يبقى ده الأحسن علشان ربنا دايماً بيختار لينا الأحسن”.
وتابعت دينا:” والحمد لله أنا عندى ميزة كويسة هى فكرة التأقلم والرضا، وده بمعنى إنى ممكن أقاتل علشان حاجة هقدر أعملها، ولكن مش ممكن أقاتل على حاجة خلاص مش هتنفع”.
وأختتمت الفنانة حديثها، وأكدت على أنها إستطاعت أن تعيش حالة من التوازن على المستوى الشخصى بين العمل والحب، وأكدت على أنها تُحب عملها بالفن بصورة كبيرة، وقالت:” أنا بعشق إحساس الحب أوى، ودايماً بقول إن الموضوع مش معناه حب بين واحدة وواحد أو واحد ومراته، وعموماً الحب موجود بين الناس والأهل والأصحاب، والكلمة دى أنا بحترمها بس ده ميمنعش إنى بعشق شغلى ولازم يكون فى توازن بين الطرفين، والحمد لله أنا عايشة حالة من التوازن”.
Discussion about this post