حلت الفنانة صبا مبارك ضيفة في برنامج “صاحبة السعادة” الذي تقدمه الفنانة إسعاد يونس والمذاع عبر قناة دي أم سي، وعلقت علي تقديم الجزء الرابع من مسلسل “حكايات بنات”، بدون ابطالة الحقيقيين.
و قالت صبا مبارك: “اه طبعا زعلنا، واتقمصت قمصة، البنات اللي مثلوا الجزء الرابع بحبهم بس غيرة بقى أنتي فاهمة، مشروعنا إزاي تدوه لحد تاني كدا؟!”.
كما تحدثت الفنانة صبا مبارك عن علاقتها بوسائل التواصل الاجتماعي،قائلة: “مليش في جلسات تصوير الفنانات والسوشيال ميديا بالنسبة لي حاجة غريبة، وبخاف اتصور وارفع صوري على السوشيال ميديا لإنها شغلانة فوق الشغلانة”.
واوضحت صبا مبارك: “ولا يمكن أتصور عن عمد علشان أرفع صوري على السوشيال ميديا.. فيه ناس بتعتبر صورها على السوشيال ميديا مهمة علشان الشغل، ولكن أنا مش شايفة ده ضروري، وأنا طول الوقت مشغولة جدا”.
وأضافت الفنانة صبا مبارك: “بقرأ كتير في علم النفس وتحليل الشخصيات والأدب والمسرح وفي الإخراج والإنتاج الفني.. وأنا بعيدة عن السياسة علشان بتتعبني، وبكون مع عيلتي”.
Discussion about this post