علق الحاج ميمي بحه، صاحب محلات بحة الشهيرة، علي مقطع الفيديو الذي تداول بشكل كبير خلال الساعات القليلة الماضية علي مواقع التواصل الاجتماعي، بشأن بيع أصحاب محلات السمين لحوم الحمير.
وقال الحاج ميمي بحه، اليوم السبت: تم القبض على الشخص منتحل شخصيتي في الفيديو المتداول، وتبين أنه من عين شمس.
وتابع الحج ميمي بحة: الراجل بعت بنته امبارح عشان تطلب مني التنازل، لكن أنا رفضت، لإنه أساء لي.
واضاف بحه: الراجل قال كلام كدب في كدب، الحمار دلوقتي بـ10 آلاف جنيه، مفيش حاجة اسمها ساندوتش بـ10 أو 15 أو 20 جنيها، أي حد يبيع ساندوتش بالمبالغ دي يبقى بيبيع أي كلام، الفيديو توقيته وحش خصوصا في الغلاء اللي احنا فيه.
وكان قد تداول عدد من رواد مواقع التواصل الاجتماعي، امس الجمعة، مقطع فيديو لشخص منتحل شخصية مالك مطعم بحه الشهير في منطقة السيدة زينب، وتحدث عن أن العديد من محلات السمين يستخدمون”لحم الحمير”.
وقال منتحل شخصية مالك مطعم بحه: “الناس بتاكل ممبار حمار، ومفيش محل يقدر يجيب ممبار العجول لأنه غالي”.
وتابع: “بعض المطاعم وعربات السمين، يلجأوون إلى شراء ممبار وسقط الحمير، نظرا لانخفاض سعره، وذلك لأن سعر كيلو الممبار والفشة غالي جدا، فازاي هدي الناس رغيف بعشرة جنيه”
واضاف: صحاب المحلات مايقدروش يجيبوا اللحمة العجالي لأنهم كده هيخسروا، وممبار الحمير يشبه العجل وبيتعلق عادي والناس مبتعرفش تفرقه.
Discussion about this post