تصدرت النجمة حورية فرغلي، تريند جوجل، وذلك عقب تصريحاتها المثيرة للجدل، بشأن أن أحدى الأشخاص قام بعمل عمل لها يوقف حياتها.
وكشفت حورية فرغلي في لقاء ببرنامج “مساء دي إم سي”، عن أنها تعرضت للعديد من المشاكل في حياتها بسبب مسلسل ساحرة الجنوب.
الجن هو السبب
ورجحت أن ما يحدث في حياتها من الممكن أن يكون الجن هو السبب، لافته أن مسلسل ساحرة الجنوب كان متعلق بالجن، قائلة: “ابتدت مشاكل تحصل بعد ساحرة الجنوب مش عارفة انا عملت حاجة غلط؟”.
وأشارت إلى أنها وجدت داخل منزلها عمل مدفون بإحدى زرع الأشجار الموجود بالمنزل، مشيرة إلى أن العمل كان عبارة عن ورقة زبدة مدفون داخل زرعة بالمنزل موجد بها حورية تصاب بالشلل والمرض وتصبح طريحة الفراش ويقف جوازها وخلفتها ورزقها ولقيت حتة من شعري.
وتابعت، قمت بفك العمل، وأصبحت الآن افضل، ولكن لا اعلم من فعل ذلك، واكتفيت بحسبى الله ونعم الوكيل”.
أبرز تصريحات حورية فرغلي
ويقدم لكم موقع موقع عين مصر ، أبرز تصريحات حورية فرغلي، والتي جاءت كالتالي:-
- من سنتين كنت عايزة أموت لأن كان فيه كورونا والدكتور اللي ممكن يعالجني كان موجود في أمريكا والسفارات كلها كانت مغلقة.
- في وقت مكنتش عارفة أبص في المرايا ولا استطعم الأكل ولا أشم أي ريحة وبالنسبالي مكنش فيه فرق بين العيشة والموت.
- أنا مبسوطة بنفسي جدًا في الوقت الحالي ومش باهتم بتعليقات الناس واللي مش عاجبه أي حاجة فيا يبص الناحية التانية مايبصليش.
- بقيت أحمد ربنا على أي حاجة والحمد لله على شكل أنفي وأي حاجة ربنا عملها فيا وفي الفترة اللي فاتت حاولت أتقرب من ربنا وأصلي واقرأ قرآن.
- حلم حياتي تقديم جزء تالت من مسلسل ساحرة الجنوب وأقدم دور حتشبسوت والأميرة ذات الهمة.
- عملت 27 عملية جراحية في 8 سنين وطلعت من تجربة المرض متلغبطة وجالي اكتئاب حاد وكنت حاسة إني في منطقة سودة.
- أخويا كان واقف معايا في كل خطوة وفي الأزمات مفيش أقرب من الاخوات لأن هما عيلتنا.
- اكتشفت إن معمول لي عمل بعد مسلسل ساحرة الجنوب ولقيته في البيت مكتوب فيه حورية تصاب بالشلل والمرض ويقف جوازها وخلفتها ورزقها.
- كنت بتعب من غير سبب ووزني وصل 49 كيلو ومش باكل واكتشفت في الآخر إنه سحر.
- معرفش مين اللي عملي العمل بس ده كان عايز يموتني مش بس يأذيني وماما ساعدتني وفكيناه وبقيت أحسن.
Discussion about this post