تحدث مطرب الراب ويجز عن المرأة المصرية، مشيراً إلى أنها نصف المجتمع، ومؤكدا أن المجتمع يضغط علي السيدات بشكل كبير.
وقال ويجز خلال برنامج الحكاية الذي يقدمه الإعلامي عمرو أديب، والمذاع عبر قناة أم بي سي مصر: المرأة هي نصف المجتمع، ولما بتكلم عن الست فهي أمي وأختي، وعايز أقول بالراحة شوية على البنات في مصر، الناس ضاغطين عليهم شوية.
كما تحدث مطرب الراب ويجز، عن طريقه حفظه لكلمات أغانيه، قائلا: أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا، ولما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها، وأي جملة بشوفها جميلة بكتبها وبعدين أشوفلها قافية، وممكن أكتب الأغنية سطرين وأسيبها شهرين وأرجع أكمل تاني.
وأكد ويجز أن سبب عدم ظهوره في الإعلام بشكل مستمر بسبب انشغاله، قائلا: مش بظهر كتير عشان ببقى مشغول، وبحس إن لو مش حاجة مهمة مش بطلع ولا بتكلم، عشان اللي يفرق معايا أكتر اللمة الجميلة وصحابي وإني أشوف أهلي وبس.
واضاف مطرب الراب ويجز: مكنتش متوقع النجاح اللي بحققه ده، بس كنت مركز وأول أغنية عجبت الناس قولت هكمل فيها، واللي ساعدني إني سافرت واتعلمت من كل الناس.
Discussion about this post