حرص السيد الرئيس عبد الفتاح السيسي، رئيس الجمهورية، علي تقديم التهنئة إلي المرأة المصرية بمناسبة الاحتفال بعيد الأم ،قائلا: “أهنئ المرأة بمناسبة اليوم ده وبمناسبة شهر رمضان الكريم.. كل سنة وأنتم طيبين ومصر والعالم كله بخير”.
وتابع الرئيس السيسي خلال كلمته في احتفالية المرأة المصرية، اليوم الاثنين: “الست إنسانة رقيقة وحساسة جدا.. وإحنا كرجالة مش بناخد بالنا من الحاجات دى.. ربنا خلقها كده.. وإحنا لو فهمنا ده الرجالة يعنى أقصد الرجالة.. هما لو فهموا كويس إنه يخلي باله من كلمته وتصرفه فى أي مرحلة عمرية”.
وأكمل الرئيس السيسي:” يعني لو خد باله في التعامل في البيت مع أهله ومع الزميلات حتى في العمل.. هيحصل رد الفعل غير المتوقع بالنسبة للرجل”.
واضاف الرئيس السيسي: “لازم الراجل يطبطب عليها ويخلي باله في التعامل مع الست، ولو حصل حاجة ياخدهم في جنابه ويسكت يعني”.
Discussion about this post