ريهام عبدالغفور: اخدت كمية تريقة من الناس بسبب وفاة كلبي.. دا كان ملاك حارس وبيحس بيا لو تعبانة

حلت الفنانة ريهام عبد الغفور، ضيفة في برنامج «مساء dmc»، الذي تقدمه الإعلامية إيمان الحصري، والمذاع عبر قناة «dmc»، وتحدثت عن السخرية التي شهدتها بعد أن أعلنت عن وفاة كلبها.

قالت الفنانة ريهام عبد الغفور: «أنا لما حطيت صورة كلبي كنت فعلا متأثرة وأخدت كمية تريقة من الناس والله العظيم وكنت أنا اللي زعلانة ومقولتش للناس تزعل معايا ودي حاجة غريبة إن الناس تحكم على مشاعرك انتي وكانت حاجة بالنسبة لي غريبة جدًا».

وتابعت الفنانة ريهام عبد الغفور: «دي أوحش حاجة حصلت لي الفترة دي بصراحة والكلب كان اسمه بنجر وكان عنده 5 سنين لما مات وكان صغير وتعب ومات في يوم وليلة».

واكملت ريهام عبد الغفور: «كان عندي 4 كلاب وواحد منهم توفي وده كان الأقرب لي.. وكان بجد مش مجرد كلب.. لكن كان زي ملاك حارس كده وكان بيحس بيا لو أنا تعبانة في اللوكيشن بيبقى بيجري ويتنطط في البيت كأنه حاسس بيا».

واضافت الفنانة ريهام عبد الغفور: «الكلاب مش حاجة سهلة إنك تفقديهم وفي معزة الأولاد تقريبًا».