حل الفنان والاعلامي تامر عبد المنعم، ضيفاً في برنامج VIP الذي تقدمه الإعلامية أميرة بدر والمذاع عبر قناة هي، وكشف عن تفاصيل حواره مع المحامي فريد الديب بشأن قبوله الدفاع عن محمد عادل قاتل نيرة أشرف طالبة جامعة المنصورة.
وقال تامر عبد المنعم : “هذا نص ما حدث والراجل بين إيدين ربنا، لما عرفت أنا كلمته وقالي هو أنت هتعمل زي الناس اللي مش فاهمة وطالعة تُهاجم؟.. قولتله طب أنا عايز أفهم لأن ناس كتير بتسألني وكان معايا بنتي الصغيرة وهي اللي أثارت الموضوع.. فقالي أنا راجل محامي ورجُل قانون، وما حدث أثناء النطق الحكم في الدائرة القضائية في القانون اللي حضرتك متعرفهوش غلط والقانون يُحاسب عليه لأن القاضي مينفعش يُفصح عن نواياه”.
واضاف تامر عبد المنعم: “قالي أنا هقدم نقض مجاني لأني مش مستني حاجة، وأنا بدافع عن القانون وقد يتاخد بالنقض ده، قولتله طب وبعدين كده الولد هيخرج؟.. قالي لأ هتتعاد المحاكمة وهياخد إعدام برضوا، وقعد يضحك”.
Discussion about this post