دافع الإعلامي عمرو أديب عن الفنان حسين فهمي والمطرب محمد منير بعد الهجوم عليهم بسبب الإعلانات التي ظهروا فيها خلال شهر رمضان الجاري .
وقال عمرو أديب خلال برنامجه «الحكاية» عبر شاشة «mbc مصر »:” كل سنة المعلنين المبجلين في مصر يختاروا فنانين يعملوا إعلانات، فجأة الشعب المصري قرر تصنيف هذه الإعلانات إلى إعلانات شيك وإعلانات مش شيك”.
وتابع عمرو أديب : “إيه أهمية التعليق على أداء الفنانين في الإعلانات، ما هي دي كلها منتجات فاتحة بيوت، وكلها إعلانات، والراجل بتاع الإعلان بيدفع نفس دقيقة سعر الإعلان في أي قناة، والفنان أجرم دا أكل عيشه هو الفنان بيبه وجهه”.
وأكمل: “لما يقولوا محمد منير عمل إعلان سمنة وزيت، إحنا مقطعين بعض على السمنة والزيت، أو يقولك حسين فهمي عمل إعلان بوكسرات، وإيه يعني هو في حد مش بيلبس بوكسرات،و إية المشكلة في الاعلان اللي عمله، والراجل بيتكلم عن القطن والنسيج المصري، سيبوا الناس في حالها”.
واستكمل عمرو أديب: «وإحنا صغيرين اللي كان بيشوف حسين فهمي بتكون أمه داعية له.. الإعلان ده زي اللي بيعمل إعلان لموبايل.. كلها منتجات بيتم الترويج لها».
واضاف: “اللي عمل اعلانات لشركة الموبايل دا في رأي الجمهور شيك واعلان كويس، يا جماعة الإعلان دا هو هو نفس الإعلان التاني ومدفعوله نفس الفلوس، الناس بتتكلم في نفس الموضوع، الاعلانات دي صناعة وفاتحة بيوت ناس بتشتغل وبتاكل عيش، اية اللي عمله حسين فهمي أغضب ربنا فيه، بشويش على الناس يا جماعة”.
Discussion about this post