مروة صبري: أنا آسفة لنفسي أني دعمت ميرهان حسين أنا أضحك عليا.. خرجتي من الأزمة النفسية في 10 أيام لا سحر ولا شعـ ـوذة

اعتذرت الإعلامية مروة صبري، لجمهورها، بعد دعمها ومساندتها للفنانة ميرهان حسين، قائلة: أنا آسفة لنفسي أني صدقت وأضحك عليا أنا معرفهاش شخصيًا.. الواحد لما بيبقى مضايق وواقع تحت ضغط نفسي ومش عايز.. الموضوع مش بياخد اقل شهر شهرين تلاتة.. احنا هنا بسم الله ماشاء الله لا سحر ولا شعوذة ميريهان حسين خرجت من الأزمة النفسية بعد من أسبوع لـ 10 أيام

وقالت خلال برنامجها «قعدة ستات» الذي يعرض على شاشة «القاهرة اليوم»: صعب عليا أن حد يكون تحت ضغط نفسي، وأنا بحب ميرهان حسين كفنانة.

وأضافت إمبارح اتفاجأت إنها طالعه في برنامج على الهوا وبتتكلم انا ياجماعة معتزلتش الفن ولكن اعتزلت السوشيال ميديا.. نعم اؤمري انتي بتضحكي على مين ؟! انتي بتضحكي على الجمهور وبتتلعبي بالجمهور.. هي اعتزل وارجع دي بقت لعبة.

وتابعت: انا مبحكمش على حد بس انا كنت مقتنعه اوي وجايه ادافع عنها.. والناس كتير قالتلي انتي بتدافعي عنها كده ليه وقولولي انها بتاخد تريند، قولتلهم مين قالكم انها بتركب التريند ومستحيل تعمل كده.. وهي فنانة واعية وقدوة للناس كتير.

وقالت: الفكره أن تريند مكملش اسبوع 10 ايام تريند فاشل.. تريند مش متصدق ومينفعش، انتم فنانين مينفعش تحطوا نفسكم في الحته دي، تلعبي بمشاعر الجمهور واللي بتعلي نسب المشاهدة وبتقلل نسب المشاهدة.. بعتذر مره تانيه اني صدقت ميريهان حسين.. طبعا انتي حرة في قراراتك، ولكن مش حرة انك تجرحي فنانين زمايلك، ومش حرة تشككي في نجاح غيرك وكل حد بيشوف نفسه احسن واحد في الدنيا.

واختتمت: مينفعش تطلعي تعملي كل ده وبعدها باسبوع تطلعي تقولي انا معتزلتش الفن ده انا اعتزلت السوشيال ميديا.. هي السوشيال ميديا جت جنبك في حاجه هي السوشيال ميديا سواء فاتحها أو قفلها حد جه طلب منك حاجه.. صدقيني كل اللي عملتيه انك ضحكتي الناس عليكي دخلتي في حته عدم المصداقية عند الناس.. من فنانة كيوت في حالة متعددة المواهب لواحدة فقدت مصداقيتها عند الناس

.