أكد طارق السيد، والد ريم طارق طليقة حسن شاكوش، إن ابنته تعرضت للظلم في أزمتها مع حسن شاكوش، قائلاً: وللأسف بنتي مش هينفع تقول ايه سبب الانفصال، لأننا اتربينا على إننا منفضحش ستر حد.
وأضاف خلال مداخلة هاتفية مع الإعلامية بسمة وهبة، من برنامج «90 دقيقة»، على قناة «المحور»: للأسف إن في لجان بيتدفع لها فلوس وصور بتتفبرك وحاجات بتتنشر عني وعن بناتي.
وتابع: في بداية الأزمة كان يصلني تهديدات كثيرة، واستنجدت وقلت إن حسن شاكوش بيهددني وإنه فوق القانون.
وأضاف: أوجه له رسالة، تزوجت من ابنتي وفرحت بك، وكانت متعززة وعايشة في بيتي، ورجعتها لي جثة مهلهلة مطعون في كرامتها وقلبها، الله يسامحك.
وواصل: أطلب من أي طرف في مصر أو جهة حكومية بأن تقف معنا، الحرب استنزفت كل قوانا لكننا مستمرون، يهدوننا وبيشتمونا وبينشروا صور مفبركة.
وأكمل: حسن قال إننا عاوزين 5 ملايين جنيه، طب أنا أديله 5 ملايين جنيه بس يرجع لي بنتي زي ما أخدها، واللي عندنا مش هنطلعه لأننا ناس عندها أخلاق.. هنستر عليك ومش هنتكلم في أي حاجة، وحط عقلك في راسك وشوف انت عاوز تعمل ايه.
Discussion about this post