كشفت المحامية نهاد أبو القمصان رئيس المركز المصري لحقوق المرأة، عن شروط دخول الحفلات فى الساحل الشمالى، وذلك عبر صفحتها الرسمية على موقع التواصل الاجتماعي فيس بوك.
وقالت نهاد أبو القمصان عبر مقطع فيديو عبر فيس بوك: “أنا كنت متخيلة زمان إن معايا فلوس، ادخل المكان اللي عايزه بفلوسي، لكن معايا فلوس والناس تتحكم فيها كمان!”.
وتابعت نهاد أبو القمصان: “الحفلات بالليل في الساحل بيقولك فيه حاجة اسمها “دور سلكتور”، واحد كدا لازم يعمل لك فحص كشف هيئة، ويبص على حسابتك على إنستجرام وفيسبوك علشان يقرروا أنت تصلح تدخل الـnight club دا ولا لأ”.
وواصلت: “لما ولادي قالوا لي كدا، قولت لهم دا أنا أجيبه من قفاه وأجيب صحيفة سوابقه، وأنا اللي هعمل لك كشف هيئة.. دور سليكتور مين.. دا غالبا هكون مطلعاله من 3 جنح ضرب ولا مخدرات ولا بتاع”.
وأكملت: “إنتو الكلام دا يدخل عليكوا، يعني أنا بفلوسي واحد يقعد ينقي، يختار بناءً على إيه بقى؟ على الشنطة اللي أنا لابساها ولا على إيه؟”.
واعربت نهاد أبو القمصان عن غضبها واستيائها، قائلة: “الولاد لما يقولولي متنفعيش تجيي معانا ليه.. علشان إنتي محجبة، وممنوع دخول المحجبات، طيب بالسلامة هما اللي خسرانين”.
واضافت نهاد أبو القمصان: ” وبستغرب أوي من البنات اللي تقول مبيدخلوش المحجبات.. وإنتي إيه اللى حشرك.. ما من حبنا حبناه وصار متعنا متاعه ومن كرهنا كرهناه ويحرم علينا اجتماعه”.
Discussion about this post