شن الإعلامي الرياضي أحمد حسام ميدو، لاعب ومدرب نادي الزمالك الأسبق، حملة من الهجوم على بطولة الدوري المصري الممتاز.
وقال حسام ميدو عبر حسابه الرسمي بموقع التواصل الاجتماعي “إكس”: “الموسم المحلي راجع تاني شوية أشخاص اتغيروا لكن نفس منهج الغباء متغيرش منه حاجه شايف إن في محاولة لتذكير الجماهير بمنهج الغباء.. اوعوا تنسوا يالا انت وهو ان احنا فشلة وأغبياء افتكر كويس أنت بتتعامل مع مين!!”.
وتابع حسام ميدو: “عندي اقتناع تام إن في تعمد إن الكورة في مصر تفضل منتج رخيص لسبب ما أنا مش عارفه!! لا يمكن يكون اللي بيحصل ده مش متعمد!!”.
وواصل ميدو: “الموسم هيبدأ من غير أي تغيير في لائحة الانظباط والأخلاق والحاج قاعد على المكنة بيفصل أسابيع الدوري الجديد، والمنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!”.
وأكمل ميدو: “أنا كنت فاكر ان ليڤيل إن منتخب مصر يبقى بيشحت لاعيبته جاي بعد ٥٠ سنة وكان عندي أمل كبير إن، إن شاء الله هموت قبل العمر ده لكن إحنا اتطورنا بسرعة جدًا.. الحمد لله إحنا جامدين جدًا”.
اضاف ميدو: “غير مقبول لا من الزمالك ولا من الأهلي ولا حتى مارسيليا إنه يساوم المنتخب بلاعيبته وأي حد يطلع في الإعلام يقول غير كده يبقى ضلالي.. الأولوية لمنتخب مصر.. مصر فوق الجميع”.
واختتم حسام ميدو حديثه: “والله العظيم نفسي أقاطع الدوري المصري ده كورة تعبانة وملاعب تعبانة ونقل تلفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!”.
Discussion about this post