رد الفنان مصطفى قمر على هجوم الناقد الفني طارق الشناوي، على فيلم أولاد حريم كريم، وذلك عبر صفحته الرسمية بموقع التواصل الاجتماعي إنستجرام.
وقال مصطفى قمر: “هو أنا مش طلبت منك تبعد عني أصلًا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم “.
واضاف مصطفى قمر: “وعموما اللي هيرد عليك جمهور السينما الحقيقي اللي دخل الفيلم اللي مالوش دعوة بالنفاق أو مصلحة أي فيلم تاني (فكرني كدة شغلتك ايه….؟.. هي من أربع حروف بيتهيألي”.
وكان قد شن الناقد طارق الشناوي، حملة من الهجوم على فيلم أولاد حريم كريم، بطولة الفنان مصطفى قمر، والذي يعرض حالياً في دور السينما المصرية.
وقال طارق الشناوي فى تصريحات تليفزيونية: فيلم أولاد حريم كريم من أسوأ الأفلام والأعمال الفنية، والفيلم اتعمل بطريقة فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي”.
وتابع الناقد طارق الشناوي : ” مصطفى قمر مشكلته إنه عايش على الزمن القديم، مثلا عبد الحليم السينما فكرت فيه لما عمل غنوة على قد الشوق، فاتعمله فيلم مع شادية لأنه كان ناجح كمطرب”.
واضاف طارق الشناوي: “الوحيدة اللي كانت لها اسم ووهج ياسمين عبد العزيز، عشان كده هي الوحيدة اللي قالت لا، عشان مش هتقبل تكون موجودة نصف بطلة أو خُمس بطلة”.
Discussion about this post