مفيش نضافة.. عامل بمطعم كرم الشام يكشف عن تفاصيل فترة عمله داخل المطبخ |صور

كشف أحد العاملين فى مطعم كرم الشام السوري، عن تفاصيل فترة عمله داخل مطبخ المطعم، وذلك عبر موقع التواصل الاجتماعي فيس بوك.

ونشر العامل مجموعة من الصور من داخل مطبخ مطعم كرم الشام السوري، وعلق عليها، قائلا: “اسوء مطعم واكتر مطعم مش نظيف ف مصر طبعا محدش بيتكلم عن اللي بيحصل هناك.. مفيش فوود سيفتي خالص كل الناس هناك سوريين فبيكونوا شغالين بشعرهم و بي الدقن منغير هيرنيت أو أي حاجه وطبعا الشعر بيقع في الاكل وحاجه تقرف بجد.. الجو داخل المطبخ عالي جدا جدا، فكل الناس عرقانه والعرق بيكون بينقط منهم جوا الطبق وكل الكلام ده شايفه بعيني”.

وتابع: ” العيش بتاع الماريا أو السوري بيكون متخزن في تلاجه كرسه التلاجه دي يوم ما حد يفكر يفتحها كلنا بنطلع من المطبخ بسبب ريحتها، فتخيل أن العيش بيكون جواها.. أنا اشتغلت هناك 20 يوم فيهم رجع 3 اوردارات بسبب أن العيش فيه دود ومش دوده صغيره لا دي حجم كبير أوي.. وطبعا بكل سذاجه بيتم تبديل الاوردر بنفس أوردر زيه بنفس العيش عادي جدا”.

وأكمل: “لو الويتر وقع منه الاوردر فالأرض بيلمه جوا الطبق ويرجع المطبخ يظبطه هو هو يعني يعدله كده عشان شكله يكون حلو ويطلع عادي منغير أي زمه أو ضمير، وطبعا ولو شيف بيعمل حاجه و وقعت علي الارض بيحطها عادي جدا.. ده غير أن الاوردر بياخد ساعه ولو روحت خميس أو جمعه ممكن ساعه ونص”.

وواصل: “كل الويتر أو الشيف عنده صلاحيه يمد أيده في أي طبق ايا كان الطبق.. وتلاقي الويتر اللي بيكون لسا راجع من الحمام يمد ايده فالطبق ياخد شويه بطاطس أو ياخد حته شاورما ومحدش بيتكلم عادي.. ولا يتم تنظيف الأرض أو الادوات غير مره واحده بس بعد انتهاء العمل يعني 2 بليل غير كده لا “.

واضاف: “من ضمن الصور هتلاقي واحد بيعمل كلوسلو ده واحد مقرف جدا ورحته وحشه جدا أنا بصراحه بقرف اعدي جنبه.. المهم ده بقي بيعمل الكلوسلو منغير جوانتي أو يغسل أيده ومش أيده بس لا دراعه كله جوا البوله عشان يعرف يقلب السلطة بشعر أيده”.

وأختتم حديثه: ” كل الكلام ده علي معلوم من كل المديرين عديمي الشرف والضمير وغير خائفي الله .. كل حاجه قولتها مش هتوصف اللي بيحصل هناك أو ريحه التلاجة أو منظر الدود .. فحسبي الله ونعم الوكيل فيهم واحد واحد أنا سيبتهم ومشيت عشان متحملتش الغش ده ضميري متحملش”.