تحدث الإعلامي مصطفى بكري، عن ارتفاع الأسعار وخاصة البصل خلال الفترة الحالية بشكل كبير فى الأسواق، مشددا على ضرورة إيجاد حلول لارتفاع الأسعار.
وقال مصطفى بكري خلال برنامجه «حقائق وأسرار» على قناة «صدى البلد»: “الناس هتستحمل إيه ولا إيه، الناس بصراحة تعبت، أنا بستغرب سايبين التجار في الأسواق تقطع في الشعب المصري ليه وكل واحد يعلي بمزاجه، مش هينفع الاستمرار بالشكل ده لأنه يجهض أي محاولات للتنمية”.
وتابع مصطفى بكري: “الناس مش ناسية مواقفك ولا الإنجازات يا سيادة الرئيس، لكن الناس تعتب على الأسعار والمواطنين تعبوا، وأنا عارف إنك حاسس بالناس لكن الإجراءات العملية اللي تحت بتقول إن مفيش حاجة بتتعمل”.
وواصل مصطفى بكري: “الحكومة تركت المواطن فريسة للتجار والمستغلين والذين لا ضمائر لديهم”.
وأكمل مصطفى بكري: “في ناس كتير موجودة مش شغالة، والله لو كل الناس بتشتغل زي الرئيس السيسي اللي بيعمل بكل جهده عمر الدنيا ما كانت كدة، والتجار بيستغلوا الموضوع ده، وبيخزنوا وبيرفعوا في الأسعار بشكل كبير”.
واضاف مصطفى بكري: ” أنا من داعمي الرئيس السيسي، من بداية توليه الحكم وحتى آخر يوم له، لأن عندي ثقة أن هذا الراجل هدفه هو خدمة المواطن المصري وخدمة الوطن، والراجل ده قدم كتير للدولة المصرية، ولكن كلامي عشان فعلا الناس تعبانة”.
ي
Discussion about this post