علق الإعلامي عمرو أديب عن بيان مجلس الوزراء بشأن أسباب ارتفاع الأسعار خلال الفترة الأخيرة، قائلا: “النهاردة مجلس الوزراء بيقولنا معلومة المفروض إن إحنا نبقى كلنا عارفينها إن حرب غزة تؤثر اقتصاديا على الواقع الاقتصادي المصري، وهذا أمر حتمي وطبعا إحنا فاهمين ده من أول يوم”.
وتابع عمرو أديب خلال برنامج “الحكاية” المذاع على قناة “إم بي سي مصر”: “مصر دولة جارة لما يحدث في غزة والتأثير على أنشطة اقتصادية مثل السياحة والنمو الاقتصادي وحالة الانكماش اللي بيشهدها أي اقتصاد أثناء وجود حرب قريبة، والناس وهي بتصرف وبتشتغل وبتعمل أي حاجة بتبقى قلقانة فيبتدي الصرف والتوسع يقل”.
وأكمل عمرو أديب: “أي حد ممكن تبقى عنده أزمة طيب أنت هتحل إزاي؟ أنا بصراحة دايما كنت أقول ياريت رئيس الوزراء ومجلس الوزراء يقولنا هيعملوا إيه، وأنا مش هقول هذا الأمر ولن أسأل ماذا ستفعلون ربنا معاكم لإن الشيلة والحمل تقيل وهذا أمر مستمر وإحنا بنتكلم لو أنت متفائل قدامنا 3 أو 4 شهور”.
واضاف عمرو أديب: ” وعليك أعباء كثيرة وحاجات من الأول عندك أزمة اقتصادية فتيجي الحرب تضع أزمة فوق الأزمة، كلنا عارفين إن فيه أزمة وبما إننا شايفين إن الأسعار بتزيد بلا توقف والدولار يزيد بلا توقف، وفعلا عندنا أعراض جانبية واضحة في السوق وربنا مع الحكومة”.
Discussion about this post