شنت الناقدة الفنية ماجدة خير الله، هجوماً حاداً على الفنان بيومي فؤاد بعد تصريحاته الأخيرة بشأن اعتذار محمد سلام عن المشاركة فى مسرحية زواج اصطناعي التي تم عرضها فى موسم الرياض بالمملكة العربية السعودية.
وقالت الناقدة الفنية ماجدة خير الله، من خلال مداخلة تليفونية عبر برنامج “تفاصيل” مع الإعلامية نهال طايل: إن الفنان محمد سلام لم يُخطئ عندما اعتذر عن المشاركة في المسرحية، مؤكدة أن كلام بيومي فؤاد سيء للغاية”.
واضافت ماجدة خير الله: “بيومي فؤاد بيقول إحنا بنقدم فن محترم، وبعدين نلاقي فيديو ليه بيرقص ببطنه، إيه الفن المحترم اللي أنت قدمته”.
وفى ذات السياق، حرص الفنان محمد رمضان، على دعم الفنان محمد سلام والفنان بيومي فؤاد بعد الأزمة الأخيرة التي حدثت بينهما بشأن مسرحية زواج اصطناعي التي عرضت في فاعليات موسم الرياض بالمملكة العربية السعودية.
وظهر محمد رمضان خلال مقطع فيديو عبر صفحته الرسمية بموقع التواصل الاجتماعي فيس بوك، قائلا: “مساء الخير عليكم، مساء الخير لكل جمهور عربي … راس مال أي فنان هما الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وامي يدعوا ان ربنا يحبب فيا الناس ويحبب فيا الجمهور اللي هو حضراتكم”.
وتابع محمد رمضان: “شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام.. كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين”.
واضاف محمد رمضان “لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده؟ وكل اللي بسمعه خلال الأيام اللي فاتت عن سلام انه مش هيشتغل تاني دا مش هيحصل لا احنا كفنانين هنسمح بدا ولا الجمهور هيسمح بدا ولا احنا مع اللي بيحصل في بيومي بعد ما قفل التعليقات بسبب الانتقادات اللي بتجيله… ياريت نكون أحن من كدة على بعض”.
Discussion about this post