سعد الصغير عن المطربة بوسي: ليه هي أجرها أعلى مني وبتاخد 100 ألف وانا 50

أعرب المطرب الشعبي سعد الصغير عن استيائه بسبب ان المطربة بوسي تتقاضى أجرا أعلى منه و قدره 100 ألف جنيه، مشيراً إلى أن المطرب الشعبي الوحيد الذي تقاضى ذلك الأجر هو حكيم.

وقال سعد الصغير في تصريحات صحفية: بوسي دلوقتي أجرها 100 ألف جنيه، بعد ما كانت بتاخذ 50 ألف، ومحمود الليثي ياخد 50 ألف، وأنا 50 وهي 100 ليه؟!.

وتابع سعد الصغير: لما بيكون عندها فرح بتاخد 300 ألف، بعد ما كانت بتأخد 100 ألف، علشان كده مش بنشوفها في أفراح، إحنا المطربين الشعبين محدش عدى 100 ألف، ولا الـ 70 ألف حتى غير الأستاذ حكيم.

كما كشف سعد الصغير أنه اشترى لوالدها أدوات منزلية بمبلغ مالي قدره 200 الف جنيه، قائلا: كنت جايب طلبات لأبوها ومفروشات بـ 200 ألف، وبعد وفاته أخدت بوسي الشقة بما فيها، لأن الشقة كانت ملكها، وقالت لإخواتها دفعت الفلوس لسعد الصغير وأنا مخدتش ولا مليم.

وأضاف سعد الصغير: أنا بطالب بوسي إنها تتبرع بالفلوس بتاعتي لأهالي غزة، أو تبعتلي فلوسي، على الرغم من أن أهالي غزة عندهم كرامة مش هياخدوا حاجة حد نام عليها، ولكن ممكن نبيع المفروشات دي، ونتبرع بفلوسها أو نجيب حاجة جديدة وأنا أكمل معنديش مشكلة.