أحمد وفيق عن المنتج محسن علم الدين: كان عنده وفاء لكل الناس اللي اشتغلت معاه

قال الفنان أحمد وفيق :” المنتج الراحل محسن علم الدين، كان من أول الناس اللي قدمتني في الوسط الفني، وكنت محظوظ إني تعاملت معاه.

وأضاف أحمد وفيق خلال مداخلة هاتفية لبرنامج زق عجلك من تقديم تامر جابر وشيماء السباعيى على إذاعة شعبي اف ام :” محسن علم الدين كان منتج شاطر واقتصادي جدا، وكان نموذج لأي منتج فني، وكان عنده وفاء غريب لكل الناس اللي اشتغلت معاه، ولو جيبت سيرة حد اشتغل معاه بالسوء ممكن ياكلك بسنانه.

وأكد أحمد وفيق أنه اعتقد أن بعد رحيل الفنان سمير صبري، قرر محسن علم الدين إنه يرحل معاه، معلقا مصر طول عمرها هتفضل مليانة بنجومها المؤثرين.

وعن أعماله القادمة قال الفنان أحمد وفيق انتظر عرض مسلسل جديد بعنوان “روز وليلى”، وأشارك فيه مع الفنانة الجميلة يسرا ونيللي كريم، وهيكون مسلسل 10 حلقات، و”روز وليلى” تجربة مفيدة، للمخرج البريطاني أدريان شيرجولد، وتأليف السيناريست البريطاني كريس كول.

واختتم أحمد وفيق كلامه قائلا العالمية بالنسبة لي إنك يكون عندك لغة سينما الناس تحب تتفرج عليها، وعندنا إمكانيات دلوقتي توصل أعمالنا للعالم، و مازلت مصر على تقديم شخصيات الرؤوساء مثل جمال عبدالناصر ،صدام حسين.