“ناس كتير بتسأل وتطمن عليا “..أمينة تعلن إصابتها بتمزق في الأربطة

أعلنت المطربة الشعبية أمينة عن إصابتها بتمزق في الأربطة ،وذلك عبر صفحتها الرسمية بموقع التواصل الاجتماعي فيس بوك.

حيث نشرت أمينة منشورا ،قائلة : “جماعة الناس اللي مفكرة أن العيشة وردي وياما هنا ياما هناك، إحنا برضو بني آدمين وبنتعب وبيحصل انتكاسات زي أي حد، ودي حاجة حصلت غصب عني ورغم أني كنت بتحمل على نفسي عشان خاطر فيه ناس جاية عشان تشوفني مارضتش أمشي ونتيجة تحملي علي رجلي أني جالي تمزق في الأربطة”.

وتابعت أمينة : “كل ده مش مهم قد ما مهم أوى أني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانة فيا وبتقول أحسن ما تقطع، أحسن دي بتترقص، أحسن دي مش عارف أيه؟! ليه كل ده؟! ليه الغل والحقد ده؟ ليه الكره غير مبرر ده؟! “.

واضافت: ” جماعة إحنا أبسط من كده بكتير وأي شو إعلامي بيظهر قدامكم اوعوا تتخدعوا فيه.. أنا أمينة أختكم وبنتكم ومكنتش متوقعة ألقى فيه ناس كتيرة كده جواها غل وحقد من نحيتي ليا، ربنا يهديكم ويبعد عننا النفوس المريضة دي يا رب”.