حذر شخص من التعامل مع شركة مدينة نصر للانشاء و التعمير ، وذلك عبر موقع التواصل الاجتماعي فيس بوك .
حيث قال أحد رواد مواقع التواصل الاجتماعي :”خسارة فادحة مع شركة مدينة نصر mnhd متغلطش غلطتي هتندم بتاعت كمبوندز سراي و تاج سيتي ..سنة ٢٠١٧ الشركة طرحت كمبوندز سراي استلام كمان ٥ سنين بسعر متر ١٣ الف تقريبا علي ٦ سنين يعني يببساطة ٢٤٠ الف تقريبا في السنة”،
وتابع : دلوقتي يعني بعد ٥ سنين سعر الشقة دي كاش مليون ١٠٠ الف تقريبا، استلام فوري كمان .. أنا أصلا دافع لحد دلوقتي مليون ٢٠٠ الف و لسه عليا ٢٠٠ الف ..يعني عشان ابيعها هبيعها بمليون جنيه و كمان ادفع الاقساط ال ٢٠٠ الف الباقية ده غير بقي عمولة البيع و مصاريف التنازل و الضرايب
وواصل : طيب للسنة الفاتت أنا كنت دافع مليون جنيه ، متخيل أن لو كانوا في البنك السنة دي بس كانوا جابوا فوايد ١٥٠ الف و كنت دفعت دلوقتي و وفرت ٢٥٠ الف ، ممكن تحسب بقي لو كل سنة الفلوس دي في البنك بدل ماتدفع للشركة..فكر كده و انت بتشتري لو قولت استفيد بقي بالسعر ده الواقع لو اشتريت بمليون جنيه و لقيتها بعد سنتين بمليون و خمسين الف هتبقي مبسوط
وأكمل: ماتقولش اصل السوق واقع والنبي بقالوا خمس سنين واقع امال الخمس سنين الجايين ايه بقي، هو فيه حاجة في البلد ثمنها نزل عن سعرها من خمس سنين لو فيه ياريت تقولى ..طيب متخيل بقي اني رجعت للشركة خده الشقة و ادوني فلوسي الدفعت بس يعني المليون ٢٠٠ الف رفضه ..فكر كده لو كانوا شايفنها هتغلي كاش عن المليون ٢٠٠ الف كانوا لما صدقوا و خدوها اكيد
و أضاف : السيلز المتضايقين اوي من البوست و هتوهوا الناس بردود اصل ده كاش و قسط او الملاك اللي بيقولوا أنت كده بتضرنا لا أنتوا اللي عايزين تستغفلوا الناس والله روحوا اسالوا الشركة مش أنا خالص أنا بقول الحصل عشان ياريت والله كان حد قال لي منهم وإن شاء الله تتردلي
واختتم حديثه: معلش عشان برده ميضحكش عليك لو كنت اشتريت كاش بالخصم ده (مع أني انا استلام خمس سنين و دلوقتي استلام فوري) هتبقي ب ٨٤٠ الف بنفس الخصم ال ٤٠% احسب كده من ٨٤٠،٠٠٠ ل مليون ١٠٠ الف يعني الشقه في السنه كده غليت ٧% في السنة و البنك ب ١٥% ده لو هتبعها اصلا بمليون ١٠٠ الف ..ده لو عايز بقي تشتري سكن او استثمار الاثنين فكر كويس ، دي غلطت عمري “
Discussion about this post