كشفت البلوجر أحلام عادل، عن معاناتها طوال فترة الحمل و خوفها من الإنجاب، وذلك عبر صفحتها الرسمية بموقع التواصل الاجتماعي فيس بوك.
البلوجر أحلام عادل تثير الجدل علي السوشيال ميديا
حيث خرجت البلوجر أحلام عادل، في مقطع فيديو نشرته عبر تطبيق الفيس بوك، وقالت : “صلي علي النبي انتي دلوقتي هتجيبي إنسان.. أنا مش عايزة أولد قيصري ولا طبيعي، مش عجباني.. ما هو لازم يتولد الأمهات دي بتتعب جدًا بجد”.
وتابعت: “قعدت أسأل لو أنا ما ولدتش طبيعي ولا قيصيري.. المشكلة إنه لا حول ولا قوة إلا بالله.. المفروض إن أنا أبقى كويسة.. الأمهات دي بتتعب جدًا والله العظيم لو حد زعل مامته ولّا فكر انتوا بتزعلوا أمهاتكوا ليه ما بتسألوش عليهم ليه وبتحبوهم حسبي الله ونعم الوكيل بجد”.
وواصلت: “أنا خايفة ومش فاهمة وفي نفس الوقت بقعد أقول لنفسي ما انتي أكيد هتفهمي ما هو انتي اتجوزتي يبقى هتخلفي عادي وبعدين أصلها كبيرة إن انت تجيب إنسان للدنيا وتبقى مسئول عنه ويطلع سوي نفسيًا وإحنا أصلًا في مجتمع”.
واوضحت :وبعدين يعني لو ولدت طبيعي هقعد أحزق وأنا مش بعرف أحزق.. ولو ولدت قيصري هيفتحوا بطني.. وأربعين يوم ويقعدوا يشربوني حاجات ما بحبهاش حلبة ومغات”.
طارق الدسوقي: أي خطبة يقولها الشيخ في الجامع أو القس بالكنيسة ليست مؤثرة مثل الدراما أو المسلسل
واضافت: “أنا بصراحة خايفة.. خايفة ومش عارفة أعمل إيه.. أنا ركنت العربية عشان أعيط أنا هفضل كده لحد ما أبقى كويسة .. أنا كويسة مفيش حاجة استمتعي بالحمل حتى لو مش عارفة مالك قولي لنفسك أنا كويسة”.
Discussion about this post