كشفت الفنانة سوسن بدر عن التحديات التي واجهتها خلال بدايتها في المجال الفني،وذلك خلال ندوة تكريمها على هامش فعاليات الدورة السابعة لمهرجان شرم الشيخ الدولي للمسرح الشبابي.
وقالت سوسن بدر: والدي قاطعني لفترة بعد ما حولت من كلية العلوم إلى المعهد العالي للفنون المسرحية، و كانت علاقتي بيه مميزة، واستسلمت للأمر ولكنه قاطعني وكانت مقاطعتي دي بتقتلني، لحد ما اقتنع أن بجد مش هعرف أعمل حاجة تانية، وأنه لو منعني عنها بسبب خصامنا هيدمرني، وبدأ يستسلم وهو يراقبني لحد ما بقى مبسوط.
وتحدثت الفنانة سوسن بدر عن شغفها وحرصها الدائم على تسليط الضوء القدماء المصريين، قائلة: إحنا مش ضد الحضارة ولا ضد أي حاجة حديثه، ولكن ضد أي حاجة تلغي هوايتنا.
وأكملت سوسن بدر: الفن مش ترفيه بس، وكمان من ضمن مهام الفن إنه يتطور في المجتمع والإنسان، وربنا إدانا موهبة هنتسأل عليها.
واضافت الفنانة سوسن بدر: النهاردة لما بشوف أن طفلة عندها خمس سنوات، توقفني، وتقولي إنتي إللي بتلبسي طرحه زرقاء، وبتتكلمي عن التماثيل الكبيرة، قولتلها دول اسمهم المصريين القدماء، ده بالنسبالي الهدف إللي أنا عايزاه.
Discussion about this post