حلت الفنانة نهال عنبر ضيفة في برنامج واحد من الناس الذي يقدمه الإعلامي عمرو الليثي والمذاع عبر قناة الحياة، وكشفت عن تفاصيل في حياتها الشخصية والفنية.
وقالت الفنانة نهال عنبر: ” كنت حريصة على زواج ابني المخرج حسام الحسيني وهو في سن صغير، علشان أفرح به وبأولاده، لأن حسام هو ابني الوحيد”.
وتابعت نهال عنبر: كنت هتجنن على العزوة، وجوزت حسام وهو عنده 22 سنة، وأهلى اعترضوا لأنه كان صغير ولكني اصريت على زواجه.
وأكملت نهال عنبر: “أنا شخصيًا أتزوجت وعمري 18 عام، وهذا جعل هناك علاقة أمومة وصداقة بينى وبين حسام، لأن الفرق بينى وبينه مش كبير، وأنا كنت الأب والأم لحسام لأن والده كان على طول الوقت يسافر لظروف عمله، وأنا كنت حنينه جدا وشديدة في نفس الوقت لكن مش قاسيه”.
وكشفت نهال عنبر عن أحد مواقفها مع أبنها حسام الحسيني، قائلة: “خاصمت ابني حسام 60 يوم بسبب رده على في الكلام، كان عاوز يروح ديسكو، وهو في سن شباب، وأنا كنت بخاف من الحاجات دى.. فقلت له مش هتروح.. ولو عاوز تروح هروح معاك.. فقال لى ازاى أنا كبرت، قولت له مش هتروح فقال لى حرام عليكى بقى، فمسكت سبت الزبالة علشان احدفه فجرى منى، فقلت له قدامك شهرين لا أنا أمك ولا تعرفنى”.
واضافت نهال عنبر:” أحفادي طالعين شخصيتهم قوية مثلي، وأنا اخدت ده من ماما لأنها كانت من أصول شركسية وكل حاجة عندها بنظام”.
Discussion about this post